12:55 / 10.06.2018
28831

OAV: «Real» Ronalduning maoshini oshirishga tayyor

Madridning «Real» klubi rahbariyati Krishtianu Ronalduni jamoada saqlab qolishga harakatlarini davom ettirmoqda.

Cadena Cope nashri xabariga ko‘ra, portugaliyalik futbolchi uchun yiliga 25 mln yevro miqdorida maosh taklif qilingan. Ronaldu yana 7,5 mln yevroni turli bonuslar sifatida (Chempionlar ligasi g‘olibligi, chempionat va Ispaniya Kubogidagi g‘alaba, «Oltin to‘p» va FIFA talqiniga ko‘ra eng yaxshi futbolchi bo‘lish) qo‘lga kiritishi mumkin.

Qayd etilishicha, Lionel Messi va Neymarning yillik maoshi miqdori ham 32,5 mln yevro atrofida va Ronaldu ham ular bilan tenglashib oladi.

Bundan oldinroq «Real» Ronalduni 200 mln yevroga sotishga tayyor ekani haqida xabarlar berilgandi.

Mavzuga oid
Top