ОАВ: «Реал» Роналдунинг маошини оширишга тайёр

Мадриднинг «Реал» клуби раҳбарияти Криштиану Роналдуни жамоада сақлаб қолишга ҳаракатларини давом эттирмоқда.

Cadena Cope нашри хабарига кўра, португалиялик футболчи учун йилига 25 млн евро миқдорида маош таклиф қилинган. Роналду яна 7,5 млн еврони турли бонуслар сифатида (Чемпионлар лигаси ғолиблиги, чемпионат ва Испания Кубогидаги ғалаба, «Олтин тўп» ва ФИФА талқинига кўра энг яхши футболчи бўлиш) қўлга киритиши мумкин.

Қайд этилишича, Лионель Месси ва Неймарнинг йиллик маоши миқдори ҳам 32,5 млн евро атрофида ва Роналду ҳам улар билан тенглашиб олади.

Бундан олдинроқ «Реал» Роналдуни 200 млн еврога сотишга тайёр экани ҳақида хабарлар берилганди.