Mast holda mashina boshqarib, to‘qnashuv sodir qilganlar tufayli 4 kishi jarohat oldi

8 iyun kuni Toshkent viloyatining Piskent tumani hududida fuqaro D.O. mast holda hech qanday hujjatlarsiz “Matiz” rusumli avtomashinasini “Guliston-Ohangaron-Angren-Namangan-O‘sh” yo‘lining 80-km.da haydab ketayotib, yo‘lni o‘ng tomoniga burilgan vaqtida shu yo‘nalishda asosiy yo‘ldan kelayotgan, D.N.ning hech qanday hujjatlarsiz mast holda boshqaruvida bo‘lgan  “Neksiya” rusumli avtomashinasiga yo‘l bermasligi oqibatida to‘qnashuv sodir bo‘lgan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Voqea natijasida “Neksiya” avtomashinasi haydovchisi D.N. va yo‘lovchisi, hamda ”Matiz” avtomashinasi haydovchisi D.O. va uning mast holda bo‘lgan yo‘lovchisi, turli darajadagi tan jarohatlari bilan kasalxonaga yotqizilganlar.