Qirg‘iziston – O‘zbekiston chegarasida pasport nazorati punktlari ko‘paytiriladi

BMT Qirg‘iziston – O‘zbekiston chegarasidagi “Do‘stlik - Avtodorojniy” nazorat-o‘tkazish punktiga (NO‘P) yangi texnikalar taqdim etdi. Bu haqida Qirg‘iziston davlat chegara xizmati ma'lum qildi.

Qayd qilinishicha, Mazkur zamonaviy kompleks kompyuterlar, videokuzatuv uskunalari va fotoapparatlarni o‘z ichiga oladi, deb yozmoqda “Xalq so‘zi”.

Uskunalar yaqin vaqt ichida o‘rnatiladi. Bu esa NO‘Pning o‘tkazish imkoniyatlarini oshirishga xizmat qiladi.

O‘z navbatida pasport nazorati punktlari 30 tagacha (kirishda 15 ta, chiqishda 15 ta) ko‘paytirilishi rejalashtirilgan. Hozir ularning soni 14tani tashkil qiladi.