Farg‘onada haydovchi boshqaruvni eplay olmasligi natijasida yo‘lovchi halok bo‘ldi

Farg‘ona viloyatining Oltiariq tumanida 15 iyun kuni Toshkent shahar Yashnobod tumanida yashovchi I.Yu. “Captiva” rusumli avtomashinasini Povilg‘on qishlog‘ida haydab ketayotib, boshqaruvni yo‘qotgan va yo‘l chetiga ag‘darilib ketgan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Natijada avtomashina haydovchisi I.Yu. va yo‘lovchisi, Toshkent shahar Yashnobod tumanida yashagan N.H. jarohat olib kasalxonaga keltirilgan. Ammo ko‘rsatilgan tibbiy muolajalarga qaramay N.H. vafot etgan.