Afg‘oniston prezidenti toliblar bilan yarashuv muddati uzaytirilishini ma'lum qildi  

Afg‘oniston prezidenti Ashraf G‘ani mamlakat hukumati va “Tolibon” harakati o‘rtasidagi yarashuv uzaytirilishini ma'lum qildi. Bu haqda Tolo News telekanali xabar berdi.   

“Prezident Ashraf G‘ani millatga murojaatida hukumat va “Tolibon” bilan yarashuv muddati uzaytirilishini ma'lum qildi”, deb aytilgan telekanal tvitterida. Biroq amaldagi yarashuv qancha muddatga uzaytirilishi ma'lum qilinmagan.  

Avvalroq G‘ani Ramazon oyi tugashi va Ramazon hayiti nishonlanishi munosabati bilan 11 iyundan 19 iyungacha toliblar bilan bir tomonlama yarashuv kiritilishini e'lon qilgandi.