Афғонистон президенти толиблар билан ярашув муддати узайтирилишини маълум қилди

Фото: РИА Новости / Рамиль Ситдиков

Афғонистон президенти Ашраф Ғани мамлакат ҳукумати ва “Толибон” ҳаракати ўртасидаги ярашув узайтирилишини маълум қилди. Бу ҳақда Tolo News телеканали хабар берди.

“Президент Ашраф Ғани миллатга мурожаатида ҳукумат ва “Толибон” билан ярашув муддати узайтирилишини маълум қилди”, деб айтилган телеканал твиттерида. Бироқ амалдаги ярашув қанча муддатга узайтирилиши маълум қилинмаган.

Аввалроқ Ғани Рамазон ойи тугаши ва Рамазон ҳайити нишонланиши муносабати билан 11 июндан 19 июнгача толиблар билан бир томонлама ярашув киритилишини эълон қилганди.