Germaniya tarixi muzeyidan KUN.UZ fotoreportaji

Germaniyaning Deutsche Welle teleradiokompaniyasi tashabbusi bilan Bonn shahrida Global media forum (Global Media Forum) tashkil etildi. Unda KUN.UZ muxbiri ham qatnashib, anjuman doirasida Germaniya tarixi muzeyida ham bo‘ldi.

GFRning sobiq poytaxti Bonn shahrining qoq markazida joylashgan muzey mamlakatning 1945-yildan keyingi tarixiga bag‘ishlangan. Unda fashizm dahshatlari, o‘tgan asrning 40-yillari hamda fashizm ustidan qozonilgan g‘alabadan keyin mamlakatning ikkiga bo‘linishi bilan bog‘liq nomaqbul siyosat asoratlari va Germaniyaning birlashishi haqida hikoya qiluvchi ko‘plab tarixiy ashyolar, eksponatlar bilan tanishish mumkin.

Muzeyda saqlanayotgan buyumlar bilan tanishar ekansiz, bevosita o‘sha mash'um urush davridan keyingi hayot qanday bo‘lgani haqida tasavvvur paydo bo‘la boshlaydi. Qolaversa, mamlakat birlashuviga oid eksponatlarda tarixiy kurash samarasi aks ettirilgan. Quyida mazkur tashrif chog‘ida olingan fotosuratlar bilan tanishish imkoniga egasiz.