Foto: Pixabay
14 iyun kuni Toshkent viloyatining Angren shahrida yashovchi, uy bekasi, L.Z. IIBga murojaat qilib, shu yil 11 iyun kuni noma'lum shaxs to‘lov tizimi orqali uning nomiga “Ipoteka” bankidan ochilgan plastik kartochkasi hisobidan 20 179 800 so‘m pulini yechib olganligini ma'lum qilgan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, ushbu jinoyatni sodir etgan noma'lum shaxsni aniqlash va ushlash choralari ko‘rilgan.
«Hurmatli fuqaro, o‘z shaxsiy buyumlaringizni o‘zgalarga berishdan avval yaxshilab o‘ylang. Hushyor bo‘ling!», - deyiladi xabarda.
Eslatib o‘tamiz, avvalroq plastik kartochkalardan pul o‘margan kiberfiribgarlar qo‘lga olingani xabar qilingandi.
