Toshkentda fuqaroni bank oldida 50 mln so‘mga chuv tushirib ketishdi

Toshkent shahrining Chilonzor tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, 20 iyun kuni IIBga tushgan hujjatlarga ko‘ra, 2017 yil 7 dekabr kuni Olmazor tumanida yashovchi muqaddam sudlangan N.S. ismli ayol va Uchtepa tumanida yashovchi muqaddam sudlangan L.A. “Mikrokreditbank” binosi oldida Yakkasaroy tumanida yashovchi  M.I. ismli ayolga 50 mln. so‘m pulini plastik karta rasmiylashtirib, unga 60 mln. so‘m miqdorda tushirib berishlarini aytib, aldov yo‘li bilan pullarini olib, o‘z ehtiyojlari uchun ishlatib yuborganliklari ko‘rsatilgan. 

Ko‘rilgan choralar natijasida N.S. va L.A. ushlanganlar.