Saudiya Arabistoni mudofaa kuchlari raketa hujumini qaytardi

Foto: Sebastian Apel/US Department of Defense, via AP

Saudiya Arabistonining havo hujumiga qarshi mudofaa tizimlari 24 iyun kechki vaqt Ar-Riyod ustida Yaman hududidan otilgan ikkita raketani urib tushirdi. Bu haqda Al-Masira telekanaliga iqtibos keltirgan holda Reuters axborot agentligi ma'lum qildi.

Ta'kidlanishicha, raketalardan biri Saudiya Arabistoni mudofaa vazirligi binosi tomon yo‘llangan bo‘lgan.

Birinchi rasmiy xabarlardan biroz oldin Ar-Riyod aholisi ijtimoiy tarmoqlarda portlash ovozlari eshitilgani va shahar ustida yorqin chaqnoqlar kuzatilgani haqida xabar bera boshlashgan.