Саудия Арабистони мудофаа кучлари ракета ҳужумини қайтарди

Фото: Sebastian Apel/US Department of Defense, via AP

Саудия Арабистонининг ҳаво ҳужумига қарши мудофаа тизимлари 24 июнь кечки вақт Ар-Риёд устида Яман ҳудудидан отилган иккита ракетани уриб туширди. Бу ҳақда Al-Masira телеканалига иқтибос келтирган ҳолда Reuters ахборот агентлиги маълум қилди.

Таъкидланишича, ракеталардан бири Саудия Арабистони мудофаа вазирлиги биноси томон йўлланган бўлган.

Биринчи расмий хабарлардан бироз олдин Ар-Риёд аҳолиси ижтимоий тармоқларда портлаш овозлари эшитилгани ва шаҳар устида ёрқин чақноқлар кузатилгани ҳақида хабар бера бошлашган.