London fond birjasida Samarkand Bonds obligatsiyalarining 3-chiqarilishi  joylashtirildi

26 iyun kuni London fond birjasida Xalqaro moliya korporatsiyasining o‘zbek so‘mida belgilangan obligatsiyalari - Samarkand Bonds uchinchi chiqarilishi joylashtirildi. Bu haqda Markaziy bank saytida xabar qilindi.

Chiqarilishning umumiy hajmi - 80 mlrd so‘m, qoplash muddati - 2 yil, kupon stavkasi - yiliga 9,45%.

Obligatsiyalarni sotish bo‘yicha bitimlar Yevropaning aktivlarni boshqarish bo‘yicha uchta kompaniyasi bilan tuzildi. Bitimlarni tashkil etishni Citigroup Global Markets Ltd brokerlik kompaniyasi o‘z zimmasiga oldi. Ushbu obligatsiya shartlari to‘g‘risidagi ma'lumotlar Bloomberg axborot agentligining terminalida joylashtirilgan.

Birinchi chiqarilish 18 mayda, ikkinchisi - 29 may kuni amalga oshirildi. Obligatsiyalardan olingan daromadlar «Hamkorbank»ni qo‘llab-quvvatlash uchun yo‘naltiriladi.