Rossiya AQSh ustidan JSTga shikoyat bilan chiqdi

Rossiya Iqtisodiy rivojlanish vazirligi rahbari Maksim Oreshkinning ma'lum qilishicha, mamlakat Jahon savdo tashkilotiga (JST) AQShning po‘lat va alyuminiyga yangi bojlari bo‘yicha shikoyat bilan chiqdi. Bu haqda RIA «Novosti» xabar bermoqda.

«Rossiya Jahon savdo tashkilotiga AQShning po‘lat va alyuminiyga qo‘shimcha bojlar joriy etish qarori bo‘yicha shikoyat bilan chiqdi», - deya aytib o‘tdi Oreshkin.

Uning aniqlik kiritishicha, shikoyat arizasiga AQShning JST qoidalarini ko‘p bora buzgani sabab bo‘lgan.

Shuningdek, Rossiyadan tashqari, Xitoy, Hindiston, YeI, Kanada, Meksika va Norvegiya ham AQSh ustidan shikoyat bilan chiqqani aytiladi.

Avvalroq, GFR kansleri Angela Merkel AQSh tomonidan po‘lat va alyuminiyga joriy etilgan bojlar qonunga zid ekani haqida ma'lum qildi. Uning ta'kidlashicha, Germaniya bu masala bo‘yicha muzokaralarni davom ettirishni xohlaydi.