Merkel AQSh bojlarini noqonuniy deb atadi

GFR kansleri Angela Merkelning ma'lum qilishicha, AQSh tomonidan po‘lat va alyuminiyga joriy etilgan bojlar qonunga ziddir. 

Uning ta'kidlashicha, Germaniya bu masala bo‘yicha muzokaralarni davom ettirishni xohlaydi.

«Biz bu muzokaralarga qanday tarzda kirishamiz - aynan shuni muhokama qilishimiz darkor, biroq bundan keyingi bojlar joriy etilishining oldini olish kerak. Shu tariqa, savdo urushi yo‘nalishida qo‘yiladigan qadamlarning ham oldi olingan bo‘ladi», - dedi Merkel.

Eslatib o‘tamiz, avvalroq AQSh savdo vakili Robert Laytxayzer YeI va Jahon savdo tashkiloti (JST)ga a'zo bo‘lgan hamda Qo‘shma Shtatlar mahsulotlariga import bojlari joriy qilgan davlatlar tashkilot qoidalariga e'tibor bermayotgani haqida aytgandi.