Liviya sohillari yaqinida 60 dan ko‘proq muhojir bedarak yo‘qoldi

O‘rta yer dengizida Liviya sohillari yaqinida muhojirlar ketayotgan qayiq cho‘kib ketishi oqibatida 60 dan ko‘proq odam bedarak yo‘qoldi. Bu haqda Liviya harbiy-dengiz kuchlari vakili ma'lum qilgan. 

Ma'lumotlarga ko‘ra, cho‘kib ketgan rezina qayiq bortida 104 kishi bo‘lgan. Kamida 63 kishi yo‘qolgan. 

Sohilbo‘yi qo‘riqlash xizmati 41 kishini qutqarib qolgan. Qutqaruvchilar tomonidan 3 ta qayiqdan umumiy hisobda 276 kishi qutqarilgan.