Rossiyalik maktab o‘quvchisi yagona davlat imtihonida eng maksimal ball to‘pladi

Rossiya ta'lim nazorati xizmati boshlig‘i Sergey Kravtsov yagona davlat imtihoni (YeGE) natijalariga bag‘ishlab o‘tkazilgan uchrashuvda moskvalik o‘quvchi to‘rtta fanning har biridan 100 baldan to‘plaganini ma'lum qildi, deb yozadi RIA Novosti.

«Moskvada har bir fandan 100 ball to‘plagan o‘quvchi paydo bo‘ldi. U biologiya, kimyo, matematika va rus tili fanlaridan yagona davlat imtihoni topshirdi. Buning ajablanarli joyi yo‘q», — dedi Kravtsov.

Ruslan Salimgareyev ismli bu o‘quvchi o‘qigan 179-maktab direktorining aytishicha, u o‘nta maqtov yorlig‘i olgan, astronomiya, matematika, fizika va biologiya fanlaridan o‘tkazilgan olimpiadalar g‘olibi hisoblanadi.

Ma'lumot o‘rnida: Rossiyada YaDIning asosiy bosqichi may oyi oxirida boshlangandi.