Oliy Majlis deputati avtohalokat tufayli hayotdan ko‘z yumdi

Oliy Majlis Qonunchilik palatasi deputati Sobit Tursunov Sirdaryo viloyatida ro‘y bergan yo‘l-transport hodisasi oqibatida hayotdan ko‘z yumdi. U suv tanqisligi bo‘yicha muammolarni o‘rganish maqsadida Samarqand viloyatiga xizmat safari bilan ketayotgan bo‘lgan. 

Ma'lum qilinishicha, 1973 yil Samarqand viloyati, Jomboy tumanida tavallud topgan S.Tursunov 1994 yilda Samarqand qishloq xo‘jalik institutini, 2012 yili O‘zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan. 

KUN.UZ tahririyati marhumning oila a'zolari, yaqinlariga hamdardligini izhor qiladi va sabr tilaydi.