Foto: TOLOnews
Afg‘onistonning Jalolobod shahridagi ta'lim boshqarmasiga jangarilarning hujum qilishi oqibatida kamida 10 kishi halok bo‘ldi. Bu haqda viloyat gubernatori Atoulla Xogiyaniga tayanib TOLOnews xabar berdi.
Hukumat vakillarining bildirishicha, vaziyatni nazoratga olishga muvaffaq bo‘lingan. Hujum qilganlar soni haqida aniq ma'lumot berilmadi.
Guvohlarning aytishicha, hujum vaqtida 50ga yaqin kishi garovga olingan. Hukumat vakillari bu axborotni ham tasdiqlamadi.
Hujum uchun javobgarlikni hozircha hech qaysi guruh o‘z zimmasiga olmadi, ammo “Islom davlati” guruhi tomonidan keyingi ikki hafta ichida Jalolobodda bir necha hujum amalga oshirilgani aytilmoqda.
