FIFA terma jamoalar reytingini e'lon qilishni bir oyga kechiktirdi

FIFA terma jamoalarning yangi reytingini e'lon qilishni 19 iyuldan 16 avgustga qoldirdi. Bu haqda TASS agentligi tashkilot matbuot xizmatiga asoslanib xabar bermoqda.

Ma'lum bo‘lishicha, reytingning kechiktirilishiga JCh-2018dan so‘ng uni hisoblashning yangi formulasi joriy etilayotgani sabab bo‘lgan.

Ballarni hisoblashning yangicha tizimida yirik musobaqalarga mezbonlik qilishi munosabati bilan ularning saralashidan ozod qilingan terma jamoalarning ikki yil davomida ochko yo‘qotib borishini kamaytirish ko‘zda tutilgan.

Reyting so‘nggi marta 7 iyunda e'lon qilingandi. Unda O‘zbekiston 95-o‘rinda qayd etilgan. O‘FA terma jamoaning FIFA reytingida tobora pastlab borayotganida avvalgi rahbariyatni ayblagandi.