ФИФА терма жамоаларнинг янги рейтингини эълон қилишни 19 июлдан 16 августга қолдирди. Бу ҳақда ТАСС агентлиги ташкилот матбуот хизматига асосланиб хабар бермоқда.
Маълум бўлишича, рейтингнинг кечиктирилишига ЖЧ-2018дан сўнг уни ҳисоблашнинг янги формуласи жорий этилаётгани сабаб бўлган.
Балларни ҳисоблашнинг янгича тизимида йирик мусобақаларга мезбонлик қилиши муносабати билан уларнинг саралашидан озод қилинган терма жамоаларнинг икки йил давомида очко йўқотиб боришини камайтириш кўзда тутилган.
Рейтинг сўнгги марта 7 июнда эълон қилинганди. Унда Ўзбекистон 95-ўринда қайд этилган. ЎФА терма жамоанинг ФИФА рейтингида тобора пастлаб бораётганида аввалги раҳбариятни айблаганди.