Eronlik general Trampga javob qaytardi

Eronlik general G‘ulomhussayn G‘oybparvar AQSh prezidenti Donald Trampning Eron rahbariyatiga qaratilgan so‘zlarini «psixologik uslublar» deb atadi. Bu haqda Reuters xabar bermoqda.

Uning so‘zlariga ko‘ra, Tehron o‘z dushmanlariga qarshilik ko‘rsatishda davom etadi.

«Biz o‘zimizning inqilobiy qarashlarimizdan hech qachon voz kechmaymiz… biz dushmanlarning bosimiga qarshilik ko‘rsatishda davom etamiz… Amerika Eronni yo‘q qilib yuborishni xohlamoqda», - deya uning so‘zlarini keltiradi Eron OAV.

Eslatib o‘tamiz, avvalroq Tramp Eronni ogohlantirgani xabar qilingandi.