Эронлик генерал Трампга жавоб қайтарди

Фото: Hassan Aghamohammadi

Эронлик генерал Ғуломҳуссайн Ғойбпарвар АҚШ президенти Дональд Трампнинг Эрон раҳбариятига қаратилган сўзларини «психологик услублар» деб атади. Бу ҳақда Reuters хабар бермоқда.

Унинг сўзларига кўра, Теҳрон ўз душманларига қаршилик кўрсатишда давом этади.

«Биз ўзимизнинг инқилобий қарашларимиздан ҳеч қачон воз кечмаймиз… биз душманларнинг босимига қаршилик кўрсатишда давом этамиз… Америка Эронни йўқ қилиб юборишни хоҳламоқда», - дея унинг сўзларини келтиради Эрон ОАВ.

Эслатиб ўтамиз, аввалроқ Трамп Эронни огоҳлантиргани хабар қилинганди.

Тайёрлаган: Отабек Матназаров

#Дональд Трамп #Эрон