Tramp Obamani ayblab chiqdi

AQSh prezidenti Donald Tramp Qo‘shma Shtatlarning avvalgi yetakchisi Barak Obamani tanqid qilib, uni yolg‘onda aybladi. Tramp bu haqda tvitterdagi sahifasida yozgan.

AQShning amaldagi yetakchisi Obama AQShda 2016 yilda bo‘lib o‘tgan prezidentlik saylovlariga Rossiyaning aralashuvi haqida bilganiga e'tibor qaratib o‘tgan.

«U nega buning oldini olmadi? Nega bizning saylovoldi shtabga hech narsa demadi? Sababi bularning bari katta yolg‘on, hamda u aldam-qaldam ishlarga moyil Hillari Klinton g‘alaba qozonishi kerak, deb o‘ylagandi!» - deya qayd etib o‘tgan Tramp.

Eslatib o‘tamiz, avvalroq Tramp Putin bilan sammitda qat'iy pozitsiya bo‘yicha maslahatlarga parvo ham qilmagani xabar berilgandi.