Bog‘chalarga pul to‘lashni elektron to‘lov tizimlariga bog‘lash taklif etildi

“Mening fikrim” jamoaviy murojaatlar portalida bolalar bog‘chalariga pul to‘lashni elektron to‘lov tizimlariga bog‘lash haqida petitsiya paydo bo‘ldi.

Qayd etilishicha, bolalar bog‘chalariga pul to‘lashni elektron to‘lov tizimlari - Click, Payme, Mbank va boshqalarga bog‘lash kerak, chunki hozirgi holat ya'ni ota-onalar naqd pullarini bog‘cha mudirasiga berishi yoki bank kassasida soat 9dan keyin uzoq navbat kutib turishi bu juda noqulaydir.

“Bolalar bog‘chalari to‘lov rekvizitlarini va hisob raqamlarini Payme, Slick va Mbank kabi elektron to‘lov tizimlariga bog‘lash taklif qilinadi”, - deyiladi murojaat matnida.

Eslatib o‘tamiz, avvalroq xususiy uy-joy mulkdorlari shirkatlari faoliyatini tugatish taklif etilgani xabar berilgandi.