Davlat departamenti Tramp va Putinning yangi uchrashuviga doir bayonot berdi

Moskva va Vashington Rossiya prezidenti Vladimir Putin hamda Qo‘shma Shtatlar yetakchisi Donald Trampning yangi uchrashuvi bo‘yicha hali hech narsani o‘zaro muvofiqlashtirmadi. Bu haqda AQSh Davlat departamenti matbuot kotibi Hizer Nauert ma'lum qilgan.

Nauertning so‘zlariga ko‘ra, bunday uchrashuvlarni tashkillashtirish uning ishiga kirmaydi, biroq, uning fikricha, Trampning Putinga Vashingtonga tashrif buyurish borasidagi taklifi «norasmiy» bo‘lgan.

«Men avval aytganimdek, Oq uyga murojaat qiling. Tushunishim bo‘yicha, hozirgi paytga kelib hech narsa muvofiqlashtirilgani yo‘q», - deya ma'lum qilgan matbuot kotibi.

Eslatib o‘tamiz, avvalroq AQShning BMTdagi doimiy vakili Nikki Heyli Rossiya tomoni hech qachon Qo‘shma Shtatlarning «do‘sti» bo‘lmasligini aytgandi.