Bugun, 25 iyul kuni ertalab Armaniston poytaxti Yerevanda portlash natijasida 3 kishi jabrlandi va shifoxonaga yotqizildi. Bu haqida Armaniston favqulodda vaziyatlar vazirligi matbuot xizmati ma'lumotiga tayanib RIA Novosti xabar qildi.
Hodisa poytaxtning Artashisyan ko‘chasida sodir bo‘lgan. U yerga maxsus qutqaruv guruhi, tez tibbiy yordam yetib bordi. Zudlik bilan yong‘inni bartaraf etish chora-tadbirlari ko‘rildi.
Aniqlanishicha, portlash shisha ishlab chiqarish zavodida sodir bo‘lgan. Natijada, devor qulagan va bir necha kishi jarohatlandi.
Voqea sabablari o‘rganilmoqda va aybdorlar aniqlanyapti.