Shimoliy Koreya AQShga amerikalik askarlar xokini topshirdi

KXDR AQShga Koreya urushi davrida halok bo‘lgan amerikalik askarlarning jasadlari qoldiqlarini topshirdi. Qoldiqlar S-17 samolyotida Janubiy Koreyadagi Osan aviabazasiga yetkazildi, deyiladi Oq uy xabarida.

Bayonotda bildirilishicha, jasadlar qoldiqlarini izlab topish va topshirish haqidagi kelishuvga Shimoliy Koreya rahbari Kim Chen In va AQSh prezidenti Donald Trampning Singapurdagi uchrashuvi davomida erishilgan.

Oq uy matbuot xizmatining ma'lum qilishicha, KXDR hududida 5,3 mingga yaqin amerikalik harbiylar jasadlari qolib ketgan.

Shimoliy va Janubiy Koreya o‘rtasidagi urush 1950 yil 25 iyundan 1953 yil 27 iyulga qadar davom etgan. Mazkur urushda Vashington 36,6 ming askarini yo‘qotgan.