Braziliya Venesueladan qochqinlarni qabul qilish markazini ochdi

Braziliyaning Rorayma shtatida Venesueladan qochqinlarni qabul qilish markazi ochildi, deya xabar beradi RIA Novosti.

«Taxminan 500 nafarga yaqin venesuelalik har kuni Pakarayma munitsipaliteti orqali o‘tishadi. Birlashgan Millatlar Tashkilotining yordami bilan federal hukumat tomonidan ochilgan ushbu markaz ularga axborot qo‘llab-quvvatlovi taqdim etadi», - deyiladi BMTning qochqinlar ishi bo‘yicha agentligi xabarida. 

Avvalroq, Xalqaro valyuta jamg‘armasining Lotin Amerikasi bo‘yicha bosh iqtisodchisi Aleksandro Vernera Venesueladagi inflyatsiya darajasi 2018 yil oxiriga kelib 1 million foizga yetishi mumkinligini aytgandi.

Vernera, shuningdek, mamlakatda iqtisodiy faoliyat qulashi, giperinflyatsiya va aholi ta'minoti yomonlashishi mumkinligini ta'kidladi.