Isroillik ofitserga tarsaki tushirgan falastinlik ayol ozodlikka chiqdi

Isroillik harbiyga tarsaki tushirgan falastinlik Axed Tamimi ismli ayol sakkiz oylik qamoqdan so‘ng ozodlikka chiqdi. Bu haqda RIA Novosti xabar bermoqda.

«Bugun ertalab Tamimi ozod etildi», — degan Isroil qamoqxonalar boshqarmasi rasmiy vakili Asaf Librati.

Ayni vaqtda Tamimi o‘z qishlog‘iga yo‘l olgan, uni bu yerda tantanali kutib olish marosimi tashkil etilgan.

Tamimi Isroil ofitseriga hujum qilganidan so‘ng hibsga olingandi. Voqea tasvirlangan videolavhada uning harbiyga qichqirgani va tarsaki tushirib uni tepganligi aks etgan. Isroil ofitseri unga javob qaytarmagan.

OAVning xabar berishicha, Tamimi qarindoshlaridan biri isroilliklar bilan to‘qnashuvda og‘ir jarohat olganidan so‘ng shunday harakatni amalga oshirgan.