Norvegiyalik Olimpiya chempioni gidrosiklda avariyaga uchrab halok bo‘ldi

Foto: NTB scanpix/Terje Bendiksby

Norvegiyalik chang‘ichi, 38 yoshli yoshli Vibeke Skofterud Norvegiya orollaridan biri sohillarida jonsiz holda topilgan. Politsiyaning taxminicha, chang‘i sporti bo‘yicha Olimpiya chempioni gidrosiklda uchish vaqtida halokatga uchragan.

Skofterud 28 iyulda yo‘qolib qolgan. U gidrosiklda uchishga ketib, qaytib kelmagan. Sportchi jasadi yonida gidrosikl aniqlangan. Avariyaga nima sabab bo‘lgani hozircha noma'lumligicha qolmoqda. Politsiya voqeani tergov qilmoqda.

Skofterud 2010 yilgi Vankuver Olimpiadasida estafeta poygasida g‘olib bo‘lgan. Bundan tashqari, sportchi rolikli chang‘ilarda poygalar bo‘yicha 5 karra jahon chempioni bo‘lgan.

Skofterud faoliyatini 2015 yilda yakunlagan.