Jazoirda bundan uch million yil ilgari yashagan fil skeleti topildi

Jazoirda arxeologlar bundan deyarli uch million yil ilgari yashagan qadimiy fil (stegodon) skeleti topildi.

"Al-Vatan" gazetasining yozishicha, qoldiqlar mamlakat shimoli-sharqidagi Ayn-al-Xensh arxeologik majmuasidagi qazishmalar chog‘ida topilgan.

"Topilma fil bosh chanog‘i va suyaklaridan iborat, uni hozircha yerdan qazib olish rejalashtirilmagan", — deb iqtibos keltiradi gazeta jazoirlik arxeolog Ayman Amraviga tayanib.

Stegodonlar xartumlilar turiga kiruvchi jonivorlar bo‘lib, ular mamontlar va zamonaviy hind fillarining uzoq qarindoshi hisoblanadi. Ular bundan 5,5 – 3 million yil avval Osiyoda yashagan. Stegodonlarning balandligi to‘rt, uzunligi sakkiz metrgacha yetgan, dandonlari esa uch metrgacha bo‘lgan.