KXDR va Janubiy Koreya generallari uchrashdi. Urush xavfini kamaytirish muhokama qilindi

KXDR va Janubiy Koreya generallari Pxanmunjom chegara punktida muzokaralar olib bordi. Unda mintaqadagi harbiy keskinlikni kamaytirish bo‘yicha amaliy qadamlar muhokama qilindi. Bu haqda «Ryonxap» agentligi xabar bermoqda.

«Biz Koreya yarim orolida harbiy keskinlikni kamaytirish va ikki Koreya o‘rtasida ishonchni saqlab qolish maqsadida amaliy choralar ko‘rish uchun qo‘limizdan kelganini qilamiz», - deya o‘z mamlakatining delegatsiyasiga rahbarlik qilgan Janubiy Koreya generalining so‘zlari keltiriladi.

Ta'kidlanishicha, davlatlar vakillari KXDR va Janubiy Koreya o‘rtasida aprel oyida bo‘lib o‘tgan sammitdagi harbiy kelishuvlarni hayotga tatbiq etish bo‘yicha amaliy qadamlarni muhokama qilishdi.