MDH ekspertlari qurolli kuchlar birlashgan aloqa tizimini yaratishni muhokama qilishadi

MDH davlatlari ekspertlari Minskda Hamdo‘stlik davlatlari qurolli kuchlarining birlashgan aloqa tizimi to‘g‘risidagi kelishuv loyihasini muhokama qilishadi, deyiladi MDH Ijroiya qo‘mitasi saytida.

«1-2 avgust kunlari MDH Ijroiya qo‘mitasida Hamdo‘stlik davlatlari qurolli kuchlarining birlashgan aloqa tizimi to‘g‘risidagi kelishuv loyihasi bo‘yicha ekspert guruhining yig‘ilishi bo‘lib o‘tadi», — deyiladi xabarda.

Qayd etilishicha, kelishuv loyihasi Rossiya tomonidan ishlab chiqilgan. 

«Birlashgan aloqa tizimi yaratilishi, rivojlanishi va ishtirokchi davlatlarning qurolli kuchlar aloqa tizimlari, davlat aloqa tizimlaridan to‘liq va samarali foydalanish evaziga zarur boshqaruv sifatini ta'minlash uchun xizmat qilishi kutilmoqda», — deb ta'kidlanadi xabarda.