12 yoshli bolakay Meksikadagi eng yirik universitet talabasiga aylandi

Endigina 12 yoshga to‘lgan iste'dodli bolakay Meksikadagi eng katta oliy o‘quv dargohi bo‘lgan Milliy avtonom universitet talabasiga aylandi.

Karlos Antonio Santamariyani universitetdagilar to‘qqiz yoshidan beri bilishadi, u o‘sha vaqtda kurslarni muvaffaqiyatli tamomlab tahliliy ximiya, bioximiya va molekulyar biologiya bo‘yicha daraja olgan, deyiladi UNAM matbuot relizida. O‘qishni davom ettirish maqsadida u 6 avgustdan boshlanadigan biotibbiyot fizikasi kursini tanladi.

"U ota-onasi o‘qishga yetaklab keladigan yagona talaba bo‘ladi", – deyiladi matbuot relizida.

Oliy o‘quv yurtiga kirish imkoniyatiga ega bo‘lish uchun Santamariya o‘rta maktab bitiruv imtihonlarini muddatidan oldin topshirdi. 

"Men shunchaki o‘qishni istayman: agar eshikdan haydashsa, derazadan kiraman", — deydi yosh talaba.