Tojikistonda terrorchilik va poraxo‘rlik uchun jazo kuchaytiriladi

Tojikiston prezidenti Emomali Rahmon bir qator qonunlarni imzoladi, deb xabar berdi mamlakat prezidentining matbuot xizmati.

U xususan,  internet orqali terrorchilik tusidagi jinoyatlarni sodir etishga ommaviy ravishda da'vat qilganlik yoki terrorchilik harakatini oqlaganlik uchun jinoiy javobgarlikka tortish bo‘yicha Jinoyat kodeksiga kiritilgan o‘zgartirishlarni ma'qulladi.

Shuningdek, korrupsiyaga qarshi kurashish va respublika qonunchiligini xalqaro hujjatlarga muvofiqlashtirish maqsadida Jinoyat kodeksiga o‘zgartirish va qo‘shimchalar kiritildi. Unga ko‘ra, endilikda og‘irlashtiruvchi holatlarda pora olganlik uchun jarima emas, ozodlikdan mahrum qilish jazosi qo‘llaniladi.