Turkiya va AQSh sanksiyalar bo‘yicha dastlabki kelishuvga erishdi

Turkiya diplomatik doiralaridagi manbalarga ko‘ra, Turkiya va AQSh adliya vaziri Abdulhamit Gul va ichki ishlar vaziri Sulaymon So‘yluga qarshi Qo‘shma Shtatlar sanksiyalari bo‘yicha dastlabki kelishuvga erishdi. Bu The Daily Sabah yozmoqda.

Ta'kidlanishicha, Anqara va Vashington diplomatik munosabatlarni rivojlantirishga, shuningdek, mamlakatlar o‘rtasidagi mavjud muammolarni hal qilishga tayyorligini bildirdi.

Nashr ma'lumotlariga ko‘ra, Turkiyadan kelgan delegatsiya ikki kun davomida AQShda bo‘lib, turk vazirlariga nisbatan joriy etilgan sanksiyalar bo‘yicha muzokaralarda ishtirok etadi.

Eslatib o‘tamiz, avvalroq Turkiya ikki amerikalik siyosatchining aktivlarini muzlatishi xabar qilingandi.