WhatsApp’da kamchilik topildi. U boshqalarning xabarlarini o‘zgartirishga imkon beradi

WhatsApp ommabop messenjerida firibgarlar xabarlarni tutib olishi va ularni o‘z xohishiga ko‘ra tahrir qilishi mumkin bo‘lgan kamchilik aniqlandi. Bu haqda Check Point’ning matbuot uchun xabarnomasida aytilgan.

Jinoyatchilar guruh yoki maxfiy chatdagi «iqtibos»ni o‘zgartirishlari mumkin - bu funksiya asl xabardan nusxa olish va unga o‘z javobini qo‘shish imkonini beradi. Jinoyatchilar xabarni tutib olib va tahrir qilib, go‘yoki chat ishtirokchisi matn yuborgandek tasavvur uyg‘otishadi, aslida esa u umuman bo‘lmagan. Shu tariqa, xakerlar suhbatdoshlarini boshqarish imkoniyatiga ega bo‘ladilar.

Hozirgi vaqtda WhatsApp’ning auditoriyasi butun dunyo bo‘ylab 1,5 mlrd.dan ko‘proq foydalanuvchini tashkil etadi.