Foto: Korea Summit Press Pool/Reuters
Shimoliy va Janubiy Koreya vakillari bu yilgi ikkinchi sammitni 12 va 13 sentabr kunlari o‘tkazishi mumkin. Bu haqda Janubiy Koreya prezidenti Mun Chje Inning maslahatchisi JTBC telekanaliga bergan intervyusida aytib o‘tdi, deb xabar bermoqda Yaponiyaning Jiji agentligi.
Maslahatchining so‘zlariga ko‘ra, sammit 12-13 sentabr kunlari bo‘lib o‘tadi. Uning ta'kidlashicha, bu uchrashuv Shimoliy Koreya tashkil topganining 70 yilligiga bag‘ishlanadi, u 9 sentabr kuni nishonlanadi.
Shu bilan birga, maslahatchining qo‘shimcha qilishicha, ayni damda shimol va janub o‘rtasidagi urush tugagani haqida e'lon qilish ehtimoli ancha past.
Eslatib o‘tamiz, avvalroq KXDR va Janubiy Koreya yangi sammitni o‘tkazish to‘g‘risida kelishib olgandi.
