Toshkent xalqaro aeroportiga eltuvchi ko‘prikda transport harakati qisman cheklanadi

Bugun, 15 avgust kuni rejadagi ta'mirlash ishlari olib borilishi munosabati bilan Bobur ko‘chasining Toshkent xalqaro aeroportiga eltuvchi ko‘prigida transportlar harakati qisman cheklanadi. Bu haqda poytaxt IIBB axborot xizmati xabar berdi.

Qayd etilishicha, ta'mirlash ishlari yo‘lning har ikki tomonida navbatma-navbat olib boriladi va transportlar harakati uchun bitta bo‘lak ochiq qoldiriladi.

“Vaqtinchalik noqulaylik uchun uzr so‘raymiz!” - deyiladi xabarda. 

Eslatib o‘tamiz, avvalroq Toshkent halqa avtomobil yo‘lining 7,5 kilometrida chiroqlar o‘rnatilgani xabar qilingandi.