Foto: Rhona Wise/AFP/Getty Images
350ga yaqin ommaviy axborot vositasi matbuot erkinligini himoya qilish mavzusida tahririyat maqolalarini e'lon qiladi. Bu haqda Britaniyaning The Guardian nashri xabar berdi.
Ular avvalroq «OAV – xalq dushmani» degan Donald Trampga mana shunday javob qaytarishmoqchi. Amerika prezidentiga qarshi va matbuot erkinligi himoyasi uchun o‘tkazilayotgan aksiya Boston Globe gazetasi tashabbusi bilan bo‘lmoqda. Gazetaning yozishicha, aksiyadan maqsad «erkin matbuotga qarshi iflos urush»ni qoralashdir.
Aktsiyada ishtirok etayotgan Britaniyaning The Guardian gazetasi Tramp muntazam ravishda matbuotga va ayrim muxbirlarga hujum qilishini, OAV xabarlarini «soxta yangiliklar» (fake news) deb atashini eslatib o‘tgan.
