Yer ajratib berishni va'da qilgan shaxs pul olayotgan vaqtida ushlandi

14 avgust kuni Namangan viloyatining Chust tumanida yashovchi muqaddam sudlangan M.M. Surxondaryo viloyati Denov tumanida yashovchi N.Ch. ismli ayolga o‘zini tuman yer tuzuvchisi deb tanishtirgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, u tuman hududidan 1 gektar bog‘ uchun yer ajratib berishini va tuman hokimiyatidan hujjat rasmiylashtirib berishini va'da qilib, evaziga ma'lum miqdorda pul so‘ragan.

M.M. kelishilgan mablag‘ni olayotgan vaqtida viloyat ichki ishlar xodimlari tomonidan qo‘lga olingan.