Toshkentda ikki qavatli hashamatli uy 2,3 mlrd so‘m boshlang‘ich narx bilan auksionga qo‘yildi

Toshkent shahrida ikki qavatli hashamatli uy auksionga qo‘yildi. Bundan E-ijro Auksion ma'lumotlari darak beryapti.

Baholangan narxi - 2 342 829 143,00 so‘m. Zakalat puli miqdori - 117 141 457,15 so‘m. Bu narxi 1 mlrd so‘mdan yuqori bo‘lgan kam sonli lotlardan biridir.

Mol-mulk Uchtepa tumanida joylashgan. Yer uchastkasining umumiy maydoni - 0,06 ga. Uyning maydoni - 361,55 kv.m. Turar-joy binosi 10ta xonadan iborat.

Ijro hujjatini chiqargan organ nomi - jinoyat ishlari bo‘yicha sud. Ijro hujjatining sanasi - 2017 yilning sentabri.

Auktsion 7 sentabr kuni o‘tkaziladi, arizalar 5 sentabrga qadar qabul qilinadi.

Eslatib o‘tamiz, avvalroq Toshkentda 35ta xonaga ega ikki qavatli bino auksionga qo‘yilgandi.