Toshkentda 35ta xonaga ega ikki qavatli bino auksionga qo‘yildi

E-ijro Auksion ma'lumotlariga ko‘ra, Toshkentda 35ta xonaga ega ikki qavatli bino auksionga qo‘yildi.

Obekt Yashnobod tumani, Aviasozlar 4-mavzeda joylashgan. Yer uchastkasining umumiy maydoni - 0,0891 ga, bino umumiy maydoni - 1005 kv.m., foydali maydoni - 588,49 kv.m.

Xabar qilinishicha, bino 35ta xonadan iborat. Ijro hujjati 2018 yil iyun oyida iqtisodiy sud tomondan chiqarilgan.

Baholangan narxi - 3,3 mlrd so‘m. Zakalat puli miqdori - 165 mln so‘m.

Auktsion 21 avgust kuni bo‘lib o‘tadi, arizalar qabul qilish 19 avgust kuni nihoyasiga yetadi.

Eslatib o‘tamiz, avvalroq Toshkentda ikki qavatli dang‘illama uy 2,4 mlrd so‘mlik boshlang‘ich narx bilan auksionga qo‘yilgandi.