Olti oy davomida Tojikiston-O‘zbekiston chegarasini 1 milliondan ziyod odam kesib o‘tdi

2018 yilning olti oyi davomida Tojikiston-O‘zbekiston chegarasini bir milliondan ziyod odam kesib o‘tdi. Bu haqda Tojikiston prezidenti Imomali Rahmon O‘zbekiston prezidenti Shavkat Mirziyoyev bilan muzokaralardan so‘ng ma'lum qildi.

Uning ta'kidlashicha, fuqarolarning erkin harakatlanishi uchun qulay shart-sharoitlar yaratilgani sari, o‘zaro safarlar soni ham sezilarli darajada oshdi.

«Joriy yilning olti oyi mobaynida turli, jumladan, sayyohlik maqsadlarida bizning va boshqa mamlakatlarning bir milliondan ortiq fuqarolari Tojikiston-O‘zbekiston chegarasini kesib o‘tdi», - deya qo‘shimcha qilib o‘tdi Rahmon.