JSST Yevropa hududida qizamiq bilan kasallanish rekord miqdorga yetganini ma'lum qildi

Gretsiya, Gruziya, Italiya, Rossiya, Serbiya, Ukraina va Fransiyada kattalar va bolalarning qizamiq bilan kasallanish holatlari qayd etildi. Eng ko‘p kasallanganlar soni Ukrainaga to‘g‘ri keladi – bu yerda 23 mingdan ortiq kishi qizamiq bilan kasallangan bo‘lib, bu Yevropadagi barcha ana shunday bemorlarning yarmidan ko‘prog‘ini tashkil qiladi.

Hisobotlarga ko‘ra, joriy yilda qizamiqdan kamida 37 kishi vafot etgan. 

JSSTning qayd etishicha, "kasallik tarqalib ketishining oldini olish uchun vaksina bilan yillik emlash qamrovi 95%dan kam bo‘lmasligi, shuningdek, ilgari vaksinatsiya tadbiridan chetda qolganlarni emlash bo‘yicha choralar ko‘rilishi darkor.