Poroshenkoning nutqi paytida faxriy qorovul askari hushidan ketib qoldi

Ukraina prezidenti Pyotr Poroshenkoning Kiyevda mamlakat Mustaqillik kuniga bag‘ishlangan paraddagi nutqi davomida faxriy qorovul askari hushidan ketib qoldi. Bu haqda FAN xabar bermoqda.

Qayd etilishicha, askarni uning yonida turgan odamlar ushlab qolishgan va chetga olib chiqishgan. Shundan keyin faxriy qorovul o‘zgartirildi.

Ehtimol, askar hozir Kiyevda kuzatilayotgan issiq ob-havo tufayli o‘zini yomon his qilgan bo‘lishi mumkin.

Eslatib o‘tamiz, avvalroq Ukraina bosh prokurori Poroshenkoning asosiy kamchiligini ma'lum qilgandi.

Ukraina bosh prokurori Yuriy Lutsenkoning bildirishicha, prezident Pyotr Poroshenko xalq bilan tez-tez muloqot qilmayapti.