Toshkent turizm sohasida birinchi Xalqaro investitsion forumga mezbonlik qiladi

Toshkent shahrida turizm sohasida birinchi Xalqaro investitsion forum bo‘lib o‘tadi. Kun.uz’ga ma'lum bo‘lishicha, Vazirlar Mahkamasining bu haqdagi tegishli farmoyishi qabul qilingan.

Qayd etilishicha, turizm sohasida birinchi Xalqaro investitsion forum Toshkent shahrida joriy yilning 19-21 noyabr kunlari tashkil etiladi.

Shuningdek, turizm sohasida birinchi Xalqaro investitsion forumga tayyorgarlik ko‘rish va uni o‘tkazish bo‘yicha tashkiliy qo‘mita tarkibi tasdiqlangan. Tashkiliy qo‘mitaga bosh vazir o‘rinbosari Aziz Abduhakimov rais bo‘ladi.

Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari Qoraqalpog‘iston Respublikasi Vazirlar Kengashi raisi, viloyatlar hamda Toshkent shahri hokimlari rahbarligida hududiy tashkiliy qo‘mitalarni tashkil etadilar.