Efiopiyada harbiy vertolyot qulashi oqibatida 18 kishi halok bo‘ldi

Efiopiyaning Oromiya regionida harbiy vertolyot halokatga uchradi. Bu haqda Reuters axborot agentligi xabar berdi. 

Ma'lum qilinishicha, vertolyot qulashi oqibatida 18 kishi halok bo‘lgan. Ulardan 15 nafari harbiy, 3 nafari oddiy fuqaro bo‘lgan. WRAL.com portalining xabar berishicha, barcha halok bo‘lganlar vertolyot bortida bo‘lgan. Ta'kidlanishicha, qurbonlar orasida 2 bola bor. 

Politsiya vakilining ma'lum qilishicha, vertolyot mamlakat sharqidagi Dire-Daua shahridan havoga ko‘tarilib, 30 avgust ertalab qulagan. U poytaxt Addis-Abebedan janubdagi Debre-Zeyt aholi punktidagi harbiy-havo kuchlari bazasiga yo‘nalayotgan bo‘lgan. Halokatga nima sabab bo‘lgani aniqlashtirilmoqda.