Mudofaa vazirligida bir guruh harbiy xizmatchilarga davlat mukofotlari topshirildi
O‘zbekiston Respublikasi Davlat mustaqilligining yigirma yetti yilligi munosabati bilan Mudofaa vazirligi markaziy apparatida bir guruh harbiy xizmatchilarga davlat mukofoti va navbatdagi harbiy unvonlar topshirildi. Bu haqda Mudofaa vazirligi matbuot xizmati xabar berdi.
Bayram tantanasida mudofaa vaziri general-mayor Abdusalom Azizov O‘zbekiston Respublikasi prezidentining “Huquqni muhofaza qilish organlari, mudofaa va favqulodda vaziyatlar vazirliklari xodimlaridan bir guruhini mukofotlash to‘g‘risida”gi farmonini o‘qib eshittirdi.
Ushbu farmon bilan mamlakat Qurolli Kuchlarining jangovar tayyorgarligini oshirishdagi xizmatlari, milliy manfaatlarimizni himoya qilish va tinchlikni ta'minlash, barqarorlik va jamoat tartibini mustahkamlash borasida xizmat burchini bajarish chog‘ida mardlik, jasorat va fidoyilik ko‘rsatgani uchun 16 nafar harbiy xizmatchilar, Qurolli Kuchlar ishchi va xizmatchilari davlat mukofotlari bilan taqdirlandi.
«Mamlakatimizning ana shunday yuksak e'tiboriga sazovor bo‘lgan barcha harbiy xizmatchilarni, Qurolli Kuchlar ishchi va xizmatchilarini hamda Sizlarni jonajon O‘zbekistonimizning qutlug‘ ayyomi, mustaqillikka erishgan kunimizning yigirma yetti yilligi bilan yana bir bor samimiy tabriklayman», — deya yig‘ilganlarni muborakbod etdi Abdusalom Azizov.
Farmonga ko‘ra, Mudofaa vazirligi harbiy xizmatchilari II darajali «Shon-sharaf», «Mardlik» ordenlari hamda «Jasorat» va «Sodiq xizmatlari uchun» medallari bilan tantanali ravishda mukofotlandi. Bir guruh harbiy xizmatchilarga navbatdagi harbiy unvon va faxriy yorliqlar topshirildi.
Mavzuga oid
17:54 / 31.08.2024
Markaziy harbiy okrugda zirhli va maxsus harbiy texnikalarni ta’mirlash yo‘lga qo‘yildi
18:55 / 24.08.2024
Din ishlari bo‘yicha qo‘mitaning 4 nafar xodimi davlat mukofoti oldi
15:34 / 24.08.2024
Prezident Mustaqillik bayrami munosabati bilan bir guruh fuqarolarni mukofotladi
21:42 / 20.08.2024